జపాన్ సముద్ర తీరంలో అరుదైన వింత జీవి కనిపించి ప్రజలను ఆశ్చర్యచకితులను చేసింది. సెంట్రల్ జపాన్‌లోని టొయామా బే తీరంలో వెండి రంగు మచ్చలతో ఎర్రగా వున్న చాలా పెద్ద వింత జీవి చేపలు పట్టేవారి పడవల కిందుగ ఈదుకుంటూ వచ్చి కొద్దిసేపు నీటి ఉపరితలంలో కనిపించింది. దీనిని సముద్రం లోపలి దృశ్యాలను వీడియో చిత్రీకరించే కెమెరా చిత్రీకరించింది. కొన్ని గంటలపాటు నీటి ఉపరితంపైనే ఈదుతూ కనిపించిన ఈ వింత జీవిని మత్స్యకారులు, ప్రజలు ఆసక్తిగా తిలకించారు. దాదాపు 13 అడుగుల పొడవున్న ఈ జీవి ఆ తర్వాత సముద్రంలోకి వెళ్ళిపోయింది. ఈ తరహా వింత జీవిని గతంలో కూడా ఒకసారి చూశామని, అప్పుడు చూసిన జీవి దాదాపు 43 అడుగుల పొడవు వుందని కొంతమంది సీనియర్ మత్స్యకారులు చెబుతున్నారు.