రాయలసీమ, తెలంగాణా కలిపి ఒక ప్రత్యేక రాష్ట్రంగా పెడితే బాగుంటుందని వై.ఎస్.ఆర్. కాంగ్రెస్ పార్టీ అధినేత జగన్మోహనరెడ్డి అక్రమాస్తుల కేసులో సిబీఐ కస్టడీలోకి వెళ్ళకముందు ప్రణాళిక రూపొందించారు. తాజాగా ఈ విషయంపై తెలంగాణా రాష్ట్ర సమితి నేతలతో చర్చించిన కెసీఆర్, జగన్ తో దోస్తానా కోసం దీనికి సమ్మతించారట. అంటే జగన్ బయటికి వచ్చాక ఈ విషయమై ఉద్యమ చేస్తే కెసీఆర్ కూడా పాలుపంచుకుంటారన్న మాట. అయితే వాస్తవానికి జగన్ అధికారం కావాలని కోరుకున్నది మాత్రం యావత్తు సమైక్య ఆంధ్రప్రదేశ్ లోనే అని కెసీఆర్ గ్రహించలేదు. కేవలం ప్రత్యేక తెలంగాణా సాధ్యం కాదు కాబట్టి అందరినీ ఆకట్టుకోవటానికే జగన్ ఈ సూత్రీకరణ చేశారని కెసీఆర్ గుర్తించలేదు. అందుకే దోస్తానా కోసం ప్రత్యేకరాయల తెలంగాణాకూ జైకొట్టేందుకు సిద్ధమయ్యారు. ఈ విషయాన్ని అప్పుడే బయటపెట్టొద్దని సన్నిహితులను కెసీఆర్ కోరారట. కానీ, వారు మీడియా ముందు తప్పించుకోలేక విషయం కక్కేసి వెళ్ళిపోయారు.