TeluguOne Health
● # Tweets

Download the TeluguOne App

Choose your platform to continue

జర్నలిస్టులకు జగన్ ఝలక్.. ఎవరిని వదిలేది లే.!

Published on: Mon Dec 20, 2021 10:25AM

ఆంధ్రప్రదేశ్ ప్రభుత్వం ఏ నిర్ణయం తీసుకున్నా సంచలనం.. వివాదమే. ఏ వర్గాన్ని వదలకుండా భారాలు మోపుతోంది జగన్ రెడ్డి సర్కార్. ఖజానా ఖాళీ కావడంతో ఎక్కడ ఛాన్స్ దొరికితే అక్కడ పన్నులు బాదేస్తోంది. తాజాగా జర్నలిస్టలకు షాకిచ్చింది జగన్ సర్కార్. పాత్రికేయుల పిల్లలకు పాఠశాలల ఫీజుల్లో 50 శాతం రాయితీ కల్పిస్తూ గత ప్రభుత్వంలో ఇచ్చిన ఉత్తర్వులను జగన్‌ సర్కారు తాజాగా నిలిపేసింది.

పాత్రికేయుల పిల్లలకు ప్రభుత్వ, ప్రైవేటు పాఠశాలల్లో ఫీజులో 50 శాతం రాయితీ కల్పిస్తూ అప్పట్లో ప్రతి జిల్లాలోనూ జిల్లా విద్యాశాఖాధికారులు ఉత్తర్వులిచ్చారు. కొన్ని చోట్ల ఇది అమలుకావడం లేదని జిల్లాల్లో పాత్రికేయ సంఘాలు డీఈవోలకు వినతిపత్రాలు ఇచ్చాయి. సదరు డీఈవోలు ఈ అంశాన్ని పాఠశాల విద్య డైరక్టర్‌కు నివేదించారు. అక్కడ ఉత్తర్వుల అమలు కోసం ఆదేశాలివ్వకపోగా.. అసలు వాటిని అమలే చేయొద్దని నిర్దేశించింది ప్రభుత్వం. ఇది రాష్ట్ర స్థాయిలో తీసుకోవాల్సిన విధానపరమైన నిర్ణయమని, డీఈవోలు ఇలాంటి సర్క్యులర్లు ఇవ్వడం, అమలుచేయడం వద్దని తేల్చిచెప్పారు. దీనిపై పాత్రికేయ సంఘాలు నిరసన వ్యక్తం చేస్తున్నాయి.