ఐసిస్ కు ధీటుగా ప్రైవేటు సైన్యం.. రంగంలోకి దిగడమే ఆలస్యం..!
Published on: Wed Jan 20, 2016 4:10PM
.jpg)
గత కొద్ది రోజులుగా ఉగ్రవాదుల ఆగడాలు మరింత ఎక్కువైపోయాయి. ఉగ్రవాదులు ఉగ్ర పంజా విప్పి దాడులకు పాల్పడి ఎంతో మంది ప్రాణాలు బలిగొంటున్నారు. అయితే ఇప్పుడు అందరిని వణికిస్తున్న ఇస్లామిక్ స్టేట్ ఉగ్రవాదంపై పోరాడేందుకు ప్రైవేటు సైన్యం ఒకటి రెడీ అవుతున్నట్టు తెలుస్తోంది. ఉత్తర ప్రదేశ్ లోని ఘజియాబాద్ లోని ధర్మయుద్ధానికి ప్రయివేటు సైన్యం సిద్ధమవుతోంది. దాదాపు 1500 మంది సైనికులు ఇస్లామిక్ స్టేట్ పై యుద్ధానికి తయారుగా ఉన్నారు. ఇక వారు రంగంలోకి దిగడమే ఆలస్యం. కాగా హిందూ స్వాభిమాన సంస్థ ఆధ్వర్యంలో ధర్మసేన పేరుతో 50 శిక్షణ శిబిరాల్లో ఈ ప్రయివేటు సైన్యం రెడీ అవుతోంది. ఈ క్యాంపుల్లో యువకులే కాకుండా పిల్లలు కూడా యుద్ధ విద్యలలో శిక్షణ పొందుతున్నారు.


