ఐపీఎల్ సీఈవో సుందర్ రామన్ రిజైన్
Published on: Tue Nov 3, 2015 3:40PM

ఐపీఎల్ (ఇండియన్ ప్రీమియర్ లీగ్) సీఈవో సుందర్ రామన్ తన పదవికి రాజీనామా చేశారు. బోర్డు ప్రక్షాళనపై దృష్టిపెట్టిన బీసీసీఐ నూతన అధ్యక్షుడు శశాంక్ మనోహర్... ఆదేశాల మేరకే సుందర్ రామన్ రిజైన్ చేసినట్లు తెలుస్తోంది, 2013 ఐపీఎల్ లో ఫిక్సింగ్ ఆరోపణలు ఎదుర్కొంటున్న సుందర్ రామన్ను అక్టోబర్ 31లోగా రాజీనామా చేయాలని శశాంక్ మనోహర్ ఆదేశించినట్లు తెలుస్తోంది. ఈ నేపథ్యంలోనే సుందర్ రామన్ రాజీనామా చేశారని, అందుకే బీసీసీఐ కూడా వెంటనే ఆమోదించిందని అంటున్నారు. ఐపీఎల్ ఫిక్సింగ్లో సుందర్ రామన్ పాత్ర ఉన్నట్లు సుప్రీంకోర్టుకు నివేదించిన జస్టిస్ ముగ్దల్ కమిటీ కూడా ఆయన రాజీనామాను స్వాగతించింది. సుప్రీం ఆదేశించినప్పుడే సుందర్ రామన్ ఈ పని చేసి ఉంటే బాగుండేదని ముగ్దల్ కమిటీ అభిప్రాయపడింది.


