ఉప్పల్ స్టేడియంలో జరుగుతున్న సన్ రైజర్స్, పుణే సూపర్ గెయింట్స్ మ్యాచ్ కు వరుణుడు అడ్డు తగిలాడు. టాస్ గెలిచి హైదరాబాద్ ను బ్యాటింగ్ కు ఆహ్వానించాడు పుణే కెప్టెన్ ధోని. బ్యాట్స్ మెన్, ఫీల్డర్స్ గ్రౌండ్ లోకి వెళ్లగానే వర్షం మొదలైంది. దీంతో ప్లేయర్లందరూ వెనుదిరిగారు. పిచ్ ను గ్రౌండ్ స్టాఫ్ కవర్ చేశారు. తొమ్మిందింటిలోపు వర్షం తగ్గితే 20 ఓవర్ల మ్యాచ్ సాధ్యపడుతుంది. లేని పక్షంలో ఓవర్ల కోత మొదలవుతుంది. హైదరాబాద్ టీం లో గత మ్యాచ్ గెలిచిన టీంలో బరీందర్ స్రాన్ ప్లేస్ లో ఆశిష్ నెహ్రా వచ్చాడు. పుణే టీం ఆల్బీ మోర్కెల్ స్థానంలో మిచెల్ మార్ష్, అంకిత్ శర్మ స్థానంలో అశోక్ ధిండా తీసుకుంది. హైదరాబాద్ లో ఇప్పటి వరకూ ఫస్ట్ ఇన్నింగ్స్ టోటల్స్, 142, 142, 143 నమోదయ్యాయి. మూడింటిలోనూ ఛేజింగ్ చేసి సన్ రైజర్స్ గెలిచింది. ఈరోజు మొదట బ్యాటింగ్ చేస్తున్న కారణంగా, 160 లేదా 170 కి పైగా స్కోర్ నమోదు చేయాలని సన్ రైజర్ప్ భావిస్తోంది. సన్ ఆశలన్నీ డేవిడ్ వార్నర్, ముస్తాఫిజుర్ రెహమాన్ మీదే ఉన్నాయి. హైదరాబాద్ గత మూడు మ్యాచ్ లను గెలివగా, పుణే టీం మొదటి మ్యాచ్ తప్ప మళ్లీ గెలవలేదు. ఈ మ్యాచ్ ఓడిపోతే, పుణే కు సెమీస్ అవకాశాలు మరింత సంక్లిష్టంగా మారే అవకాశం ఉంది.