తెలంగాణ ఇంటర్ బోర్డు  విద్యార్థులకు గుడ్ న్యూస్  చెప్పింది. ఇప్పటివరకు పరీక్షా కేంద్రానికి ఒక్క నిమషం ఆలస్యమైనా అనుమతించేవారు కాదు. ఆ నిబంధనను సడలించింది.  ఐదు నిమిషాలు ఆలస్యమైనా  పరీక్ష కేంద్రంలోకి అనుమతిస్తారు. ఈ విషయాన్ని ఇంటర్ బోర్డు కార్యదర్శి కృష్ణ ఆదిత్య  మంగళవారం తెలిపారు. బుధవారం  (5వ తేదీ) నుంచి ఇంటర్ వార్షిక పరీక్షలు  ప్రారంభం కానున్నాయి. ఇంటర్ ఫస్ట్ ఇయర్ తో  వార్షిక పరీక్షలు ప్రారంభం అవుతాయి.  ఉదయం 9 గంటల నుంచి పరీక్షలు ప్రారంభమవుతాయి. 9.05 గంటలకు వచ్చినా విద్యార్థులను పరీక్షా కేంద్రంలో  అనుమతిస్తారు. 8.45 గంటల నుంచి 9 గంటల వరకు ఓఎంఆర్ పత్రాన్ని పూర్తి చేయాల్సి ఉంటుంది.