హిందీ భాష రాదనే కారణంతో పక్షపాత ధోరణి ప్రదర్శించి తమను మానసికంగా హింసించారంటూ ఇన్పోసిస్‌పై అమెరికాకు చెందిన నలుగురు మాజీ ఉద్యోగులు అమెరికాలో కేసు పెట్టారు. గతంలో ఇన్ఫోసిస్ సంస్థలో పనిచేసిన బొల్టెన్, హ్యాండ్లోసెర్, మరో ఇద్దరు ఇన్ఫోసిస్ పై యూఎస్ కోర్ట్ ఆఫ్ ఈస్టర్న్ డిస్ట్రిక్ట్ ఆఫ్ విస్కాన్సిన్ లో కేసు నమోదు చేశారు. కంపెనీకి సంబంధించిన సమావేశాలకు తమను దూరంగా ఉంచేవారని.. అంతేకాకుండా హిందీ భాషనే సమావేశాల్లో ఉపయోగించేవారని ఫిర్యాదులో మాజీ ఉద్యోగులు పేర్కొన్నారు. టెస్టింగ్ విభాగంలో తనకంటే తక్కువ నైపుణ్యం కలిగిన వారిని, భారతీయ ఉద్యోగులనే నియమించుకునే వారని, తాను పట్ల చూపిస్తున్న వివక్షపై ఫిర్యాదు చేశానని.. అయితే ఫిర్యాదు చేసిన తర్వాత తన వేధింపులు ఎక్కవయ్యాయని బొల్టెన్ ఆరోపించారు. ఈ ఆరోపణలన్నీ అవాస్తవాలని, ఈ కేసును కొట్టివేయాలని కోర్టును ఇన్ఫోసిస్ కోరింది.