పారిస్ ఒలింపిక్స్ లో భారత షట్లర్లు సత్తా చాటుతున్నారు. వరుస విజయాలతో పతకాల దిశగా దూసుకుపోతున్నారు. ఇప్పటికే పురుషుల డబుల్స్ విభాగంలో రంకిరెడ్డి సాత్విక్, చిరాగ్ జోడీ క్వార్టర్స్ కు చేరుకోగా, తెలుగు తేజం, ఇండియన్ ఏస్ షట్లర్ పీవీ సింధూ మహిళల సింగిల్స్ లో వరుస విజయాలతో క్వార్టర్ ఫైనల్ కు చేరింది.

గ్రూపులో తొలి మ్యాచ్ లో మాల్దీవులపై సునాయాస విజయం సాధించిన సింధు బుధవారం (జులై 31) న ఎస్తోనియాకు చెందిన కుబా క్రిస్టిన్ పై వరుస సెట్లలో విజయం సాధించి క్వార్టర్ ఫైనల్ కు దూసుకెళ్లింది.  ఈ మ్యాచ్ లో కుబా క్రిస్టిన్ కు ఏ మాత్రం అవకాశం ఇవ్వకుండా 21-5, 21-10  తేడాతో విజయం సాధించింది.  టోక్యో ఒలింపిక్స్‌లో కాంస్య పతకం సాధించిన సింధు.. ఈసారి పసిడి పతకంపై గురిపెట్టింది.  ఆ లక్ష్యసాధన దిశగా అడుగులు వేస్తున్నది.  

అలాగే పురుషుల సింగిల్స్ లో ఇండియన్ షట్లర్ లక్ష్యసేన్ కూడా వరుసగా మూడు విజయాలతో క్వార్టర్ ఫైనల్ కు చేరుకున్నాడు బుధవారం (జులై 31) జరిగిన మ్యాచ్‌లో ఇండోనేషియా క్రీడాకారుడు జోనాటన్ క్రిస్టీపై  లక్ష్యసేన్ 21-18, 21-12 తేడాతో వరుస విజయాలు సాధించాడు.