ఆదాయపు పన్ను శాఖకు ఆదాయపు పన్ను అప్పిలేట్ ట్రిబ్యునల్ (ITAT) ఢిల్లీ బెంచ్ ఒక బిగ్ షాక్ ఇచ్చింది. కేవలం ఎవరో మూడో వ్యక్తి వద్ద దొరికిన ఒక చిన్న కాగితం ముక్క లేదా డైరీ ఆధారంగా, పన్ను చెల్లింపుదారులపై భారీగా పన్ను డిమాండ్లను విధించడం చట్టబద్ధం కాదని స్పష్టం చేసింది. ఈ కీలక నిర్ణయం దేశవ్యాప్తంగా ఉన్న లక్షలాది మంది పన్ను చెల్లింపుదారులకు ఒక పెద్ద ఊరటగా నిలిచింది. ఆదాయపు పన్ను శాఖ ఇటువంటి ఆరోపణలు చేసినప్పుడు, వాటిని రుజువు చేయడానికి బలమైన స్వతంత్ర ఆధారాలు సమర్పించాల్సి ఉంటుందని ట్రిబ్యునల్ తేల్చి చెప్పింది. కేవలం ఊహాగానాలతో పన్ను నోటీసులు పంపితే అవి చట్టం ముందు నిలబడవని ఐటీఏటీ పేర్కొంది.

ఈ వివాదానికి సంబంధించిన పూర్తి వివరాల్లోకి వెళితే.. డాలీ సబర్వాల్ అనే పన్ను చెల్లింపుదారు కేసులో ఈ సంచలన తీర్పు వెలువడింది. అసెస్‌మెంట్ ఇయర్ (AY) 2018-19 కాలానికి గానూ ఆమె కేవలం రూ. 4.23 లక్షల వార్షిక ఆదాయాన్ని చూపిస్తూ తన ఇన్‌కమ్ టాక్స్ రిటర్న్ ఫైల్ చేశారు. అయితే, ఐటీ శాఖ మరొక వ్యక్తికి చెందిన నివాస స్థలంలో సెక్షన్ 132 కింద సోదాలు నిర్వహించినప్పుడు, అక్కడ ఒక చేతిరాతతో కూడిన విడి కాగితం లభించింది. ఆ కాగితంలో డాలీ సబర్వాల్ దాదాపు రూ. 6.62 కోట్ల మేర రుణం ఇచ్చారని, దానికి సంబంధించిన వడ్డీ లెక్కలు వివరంగా రాసి ఉన్నాయి. దీని ఆధారంగా ఐటీ అసెసింగ్ ఆఫీసర్ ఆమెకు భారీ వడ్డీ ఆదాయం వచ్చిందని నిర్ధారించారు.

no tax demand on loose sheets itat,income tax department itat delhi verdict.