మందుకొట్టిన ‘అజయ్’ నేను కాదు బాబోయ్..

 

ప్రముఖ నటుడు ‘అజయ్’ డ్రంక్ అండ్ డ్రైవ్ కేసులో దొరికిపోయాడన్న వార్తలు వచ్చిన విషయం తెలిసిందే. అయితే ఈ వార్తలను నటుడు అజయ్ తీవ్రంగా ఖండించారు. ‘అజయ్’ అనే పేరు వున్న ఎవరో మరో నటుడు డ్రంక్ అండ్ డ్రైవ్ కేసులో దొరికిపోతే మీడియా మొత్తం తన ఫొటో వేసి వార్తలను ప్రచురించిందని ఆయన వాపోయారు. తనకు ఏ పాపం తెలియదని అజయ్ మొత్తుకున్నాడు. ఈమధ్యకాలంలో ఇలాంటి అలవాటులో పొరపాటులు మామూలైపోయాయి. మొన్నీమధ్య సినీ హీరో అల్లు డ్రంక్ అండ్ డ్రైవ్ కేసులో దొరికిపోయినట్టు మీడియాలో వార్తలు వచ్చాయి. అయితే దానికి కూడా అల్లు అర్జున్ మీడియాకు వివరణ ఇచ్చారు. తాను దొరికిపోలేదని, బ్రీత్ అనలైజర్‌తో పరీక్షించిన అనంతరం తనను పోలీసులు వెళ్ళిపొమ్మన్నారని, అయితే మీడియా మాత్రం తాను దొరికిపోయినట్టుగా వార్తలను ప్రసారం చేసిందని పేర్కొన్నారు. ఇప్పుడేమో అజయ్ ఇలా....