హైదరాబాద్‌లో మెట్రో రైలు నిర్మాణానికి తెలంగాణ ప్రభుత్వం కట్టుబడి ఉందని ఐటీ శాఖ మంత్రి కేటీఆర్ చెప్పారు. మెట్రో రైలు వ్యవస్థపై వస్తున్న వార్తలన్నీ అపోహలని ఆయన తెలిపారు. మెట్రో రైలు పీజీ కోర్సును ప్రారంభించిన సందర్భంగా ఆయన మాట్లాడుతూ మెట్రో మార్గాన్ని 250 కిలోమీటర్ల మేర విస్తరించేందుకు ప్రభుత్వం ప్రణాళికలు సిద్ధం చేస్తోందనిచెప్పారు. అసెంబ్లీ వద్ద భూగర్భ మెట్రో నిర్మాణంపై మెట్రో ఎండీ ఎంవీఎస్ రెడ్డి, మిగతా ఏజన్సీలు సీఎం కేసీఆర్ సమీక్ష నిర్వహించాలని తెలిపారు. చిన్న చిన్న సమస్యలు అవాంతరాలు ఉంటే సీఎం కేసీఆర్‌తో, మెట్రో ఎండీతో మాట్లాడతామని అన్నారు. ప్రభుత్వ పరంగా మెట్రో రైలుకు కట్టుబడి ఉన్నామని కేటీఆర్ స్పష్టం చేశారు. మెట్రో విస్తరణకు ప్రభుత్వం కట్టుబడి ఉందని ఆయన చెప్పారు.