ఆమె నాకు దూరం అవుతుంది: హృతిక్

హృతిక్ రోషన్, అతని భార్య సుజానే విడిపోవడానికి నిర్ణయించుకున్నారు. దీనిని స్వయంగా హృతిక్ ఒక ప్రకటన ద్వారా తెలిపాడు. "సుజానే నా నుంచి విడిపోవాలని నిర్ణయించుకుంది. ఇది మా కుటుంబానికి చెందిన విషయం. నాకు కుటుంబ వ్యవస్థ పట్ల ఎంతో గౌరవం ఉంది. ఈ వార్త నా అభిమానుల్లో ఈ వ్యవస్థ పట్ల అపనమ్మకాన్ని కలిగించరాదని కోరుకుంటున్నాను. నా ఆరోగ్యం కోసం ప్రార్థనలు చేసిన అభిమానులందరికీ కృతఙ్ఞతలు" అని అన్నారు. హృతిక్, సుజానేలకు 2000ల సంవత్సరంలో వివాహం జరిగింది. వీరిద్దరికీ ఇద్దరు కొడుకులు ఉన్నారు. కొంతకాలంగా సుజానే తన తల్లిదండ్రుల వద్దనే ఉంటున్నారు.