ప్రముఖ సినీ నటుడు ఉదయకిరణ్ ఆత్మహత్యకు ఆర్థిక సమస్యలు ప్రధాన కారణమా? గత కొన్ని సంవత్సరాలుగా తెలుగు చిత్ర పరిశ్రమలో సరైన హిట్, మంచి ఆఫర్లు లేని ఉదయ్ ఆర్థిక ఒత్తిడి తట్టుకోలేక ఆత్మహత్య చేసుకున్నాడా? అంటే అతని సన్నిహితులు, తండ్రి మాత్రం...తమకు తెలిసినంత వరకు అతడికి ఆర్థిక ఇబ్బందులు ఉండకూడదన్నారు. అతడికి కోట్ల రూపాయలు ఆస్తులున్నాయని ఆయన తండ్రి చెబుతున్నారు. అతని ఆస్థి దుర్వినియోగం చేస్తున్నాననే తనని దూర౦గా పెట్టాడని.. ఆరేడేళ్లుగా మామధ్య మాటల్లేవని తండ్రి వివికె మూర్తి అన్నారు. ఉదయ్‌కి పెళ్లైన విషయమే తనకు తెలియదన్నారు. కొడుకు ఆత్మహత్య చేసుకునేంత పిరికివాడు కాదని కూడా ఆయన వ్యాఖ్యానించారు.