హెచ్సీయూ.. ముగిసిన ద్విసభ్య కమిటీ విచారణ
Published on: Wed Jan 20, 2016 3:12PM

హెచ్సియూలో దళిత విద్యార్ది రోహిత్ ఆత్మహత్య చేసుకున్న సంగతి తెలిసిందే. దీనిపై ఇప్పటికే పలు విద్యార్ధుల సంఘాలు ఆందోళనలు చేస్తూనే ఉన్నాయి. ఇదిలా ఉండగా రోహిత్ ఆత్మహత్య చేసుకున్న నేపథ్యంలో కేంద్రం ద్విసభ్య కమిటీని ఏర్పాటు చేసింది. దీని నిమిత్తం వారు నిన్ననే హెచ్సియూ చేరుకొని రోహిత్ ఆత్మహత్యకు సంబంధించిన వివరాలు సేకరించారు. ఈ సందర్భంగా కమిటీ సభ్యులు మాట్లాడుతూ విద్యార్థి రోహిత్ ఆత్మహత్యపై విచారణ పూర్తయిందని.. అందరినుంచి వివరాలు సేకరించామని తెలిపారు. త్వరలోనే కేంద్రానికి నివేదిక ఇస్తామని.. అయితే నివేదిక ఎప్పుడు ఇచ్చేది ఇప్పుడే చెప్పలేమని అన్నారు. తిరిగి వారు ఢిల్లీ బయలుదేరారు.


