తెలంగాణ రాజకీయాలలో బీఆర్ఎస్ కీలక నేత, ఆ పార్టీలో ట్రబుల్ షూటర్, మాజీ మంత్రి తన్నీరు హరీష్ రావు అడుగులు ఎటువైపు అన్న చర్చ జోరుగా సాగుతోంది. అసలు 2018 ఎన్నికలకు ముందు నుంచే హరీష్ రావు.. కేసీఆర్ కు వెన్నుపోటు పొడిచి సొంత వర్గంతో కాషాయగూటికి చేరుతారన్న వార్తలు వినిపిస్తూనే ఉన్నాయి. 2023 ఎన్నికలలో బీఆర్ఎస్ పరాజయం తరువాత ఆ ప్రచారం మరింత జోరందుకుంది. అయితే తాజాగా సీఎం రేవంత్ రెడ్డి వ్యాఖ్యలతో ఇప్పుడు హరీష్ రావు రాజకీయ గమనం రాష్ట్ర రాజకీయాలలో హాట్ టాపిక్ గా మారింది.  

ఇంతకీ రేవంత్ రెడ్డి ఏమన్నారంటే.. హరీష్ రావు అతి తొందరలో కారు దిగి కాషాయ జెండా పట్టుకుంటారనీ,  ఆ దిశగా హరీష్ ఇప్పటికే బీజేపీ కీలక నేతలతో సంప్రదింపులు కూడా జరిపారనీ రేవంత్ పేర్కొన్నారు. తాను చెప్పిన మాటలు అవాస్తవమని హరీష్ రావు భద్రాద్రి రామునిపై ఓట్టేసి చెప్పగలరా అని సవాల్ చేశారు.  వాస్తవానికి హరీష్ రావు కారు దిగడంపై చర్చోపచర్చలు జరిగాయి. కాళేశ్వరం విషయంలో హరీష్ అవినీతికి పాల్పడ్డారని భావించిన కేసీఆర్.. ఆయనను  పార్టీకి, పార్టీ కార్యక్రమాలకూ దూరంపెట్టారన్న ప్రచారం జోరుగా సాగింది. అలాగే  రాష్ట్రంలో బీఆర్ఎస్ రెండో సారి అధికార పగ్గాలు చేపట్టిన తరువాత రమారమి ఏడాది పాటు హరీష్ ను కేబినెట్ లోకి తీసుకోలేదు. ఈ విషయాలను గుర్తు చేసి మరీ రేవంత్ రెడ్డి.. బీఆర్ఎస్ కార్యనిర్వాహఖ అధ్యక్షుడు కేటీఆర్ కన్నెపల్లి ప్రాజెక్ట్ వద్దకు హరీష్ ని ఎందుకు వెంటబెట్టుకుపోలేదని ప్రశ్నించారు. ఇక పోతే  బిఆర్ఎస్ లో అంతర్గతంగా కేటీఆర్ వర్సెస్  హరీష్ కేంద్రంగా ఆధిపత్య  పోరు సాగుతుందని సొంత పార్టీ క్యాడరే అంటున్న పరిస్థితి. 

కేసీఆర్ వారసుడిగా కేటీఆర్ పార్టీ పగ్గాలు చేపట్టకపోవడానికి, ఇప్పటికీ బిఆర్ఎస్ ముఖ్యమంత్రి అభ్యర్థిగా కేటీఆర్ పేరు కేసీఆర్ ప్రకటించకపోవడానికీ తెర వెనుక ఉన్న కారణం ఇదేనన్న ప్రచారం కూడా తెలంగాణ పొలిటికల్ సర్కిల్స్ లో జరుగుతోంది. తాజాగారేవంత్ రెడ్డి హరీష్ బీజేపీ గూటికి అంటే చేసిన వ్యఖ్యలు ఆ ప్రాచారానికి మరింత బలం చేకూర్చాయి. రేవంత్ రెడ్డి వ్యాఖ్యలపై హరీష్ ఏ విధంగా స్పందిస్తారన్నది చూడాలి. 

Harish Rao to Join Bjp, Revanth Reddy vs Harish Rao, Telangana Politics, BRS BJP Secret Alliance, Revanth Reddy Challenges KCR, Telangana Political News Latest.