గవర్నర్ గారు వచ్చేశారు..
Published on: Sun Jun 8, 2014 7:24PM

తెలుగుదేశం అధ్యక్షుడు నారా చంద్రబాబు నాయుడు ప్రమాణ స్వీకారం చేసే వేదిక దగ్గరకి రాష్ట్ర గవర్నర్, రాష్ట్ర రాజ్యాంగ బాధ్యుడు నరసింహన్ వచ్చేశారు. ఆయన కాసేపట్లో చంద్రబాబు చేత ఆంధ్రప్రదేశ్ ముఖ్యమంత్రిగా ప్రమాణస్వీకారం చేయించనున్నారు. ఆదివారం ఉదయం హైదరాబాద్ నుంచి ప్రత్యేక విమానంలో విజయవాడకు చేరుకున్న గవర్నర్ వెంటనే బెజవాడ కనకదుర్గమ్మను సందర్శించుకున్నారు. ఏ ప్రాంతానికి వెళ్ళినా ఆ ప్రాంతంలో వుండే ప్రముఖ దేవాలయాలను సందర్శించుకునే సంప్రదాయాన్ని గవర్నర్ ఈ సందర్భంగా కూడా కొనసాగించారు. గవర్నర్కి చంద్రబాబు నాయుడు సాదర స్వాగతం పలికారు.


