గోదావరి పుష్కరాలను గతంలో కంటే వైభవంగా నిర్వహించడానికి ఆంధ్రప్రదేశ్ ప్రభుత్వం కృతనిశ్చయంతో వుందని ఆంధ్రప్రదేశ్ రాష్ట్ర దేవాదాయ శాఖ మంత్రి పి.మాణిక్యాలరావు చెప్పారు. గోదావరి పుష్కరాల ప్రారంభోత్సవానికి భారత ప్రధాని నరేంద్ర మోడీని ఆహ్వానించాలని రాష్ట్రప్రభుత్వం నిర్ణయించింది. పుష్కరాల నిర్వహణకు కేంద్ర ప్రభుత్వం నిధులు మంజూరు చేస్తుందన్న ఆశాభావంతో రాష్ట్ర ప్రభుత్వం వుంది. వచ్చే ఏడాది జరగబోతున్న పుష్కరాలకు గత పుష్కరాలకంటే ఎక్కువ సంఖ్యలో భక్తులు రాజమండ్రికి వచ్చే అవకాశం వుంది కాబట్టి అందుకు తగ్గ ఏర్పాట్లను ఇప్పటి నుంచే అధికారులు ప్రారంభించాలని మంత్రి మాణిక్యాలరావు ఆదేశించారు. పుష్కరాలకు ఎలాంటి ఏర్పాట్లు చేయాలన్న అంశం మీద మంత్రి రాజమండ్రిలో అధికారులతో సమావేశం ఏర్పాటు చేశారు. సందర్భంగా మంత్రి అధికారులకు పలు సూచనలు చేశారు.