సినిమాలో ఛాన్స్ ఇస్తానని చెప్పటం, వారి మాటలు విని కొంతమంది మోస పోవటం చూస్తూనే ఉంటాం. రాజస్థాన్ కు చెందిన ఓ యువతి కూడా సినిమా రంగానికి వెళ్లాలని, హీరోయిన్ గా ఎదగాలని అనుకొని మోసపోయింది. బాలీవుడ్ కండలవీరుడు సల్మాన్ ఖాన్ సరసన హీరోయిన్ ఛాన్స్ ఇప్పిస్తానని చెప్పి ముంబైకి చెందిన ఓ నగల వ్యాపారి ఆ అమ్మాయిపై అత్యాచారం చేశాడు. జైపూర్ లోని ఓ హోటల్ గదిలో ఆమెపై అత్యాచారానికి పాల్పడినట్లు పోలీసులకు ఫిర్యాదు అందింది. ఈ ఘటనపై జైపూర్లోని శ్యాంనగర్ పోలీసు స్టేషన్లో కేసు నమోదైంది. నిందితుడిని పోలీసు కస్టడీలోకి తీసుకున్నారు.