కొంతమంది అమ్మాయిలు ముందూ వెనక ఆలోచించకుండా ఎవరో పనికిమాలిన వాడితో ప్రేమలో పడతారు. చివరికి వాడు వేస్ట్ ఫెలో అని అర్థమవుతుంది. ఆమెకి రకరకాల బాధలు ఎదురవుతాయి. ఒక్కోసారి ఆ ప్రియుడు ఆమె మీద దాడి చేస్తాడు. మరికొన్నిసార్లు ప్రియుడు పెళ్ళి చేసుకోను పొమ్మంటాడు.. ప్రియుళ్ళు ప్రియురాళ్ళని చేసే మోసాలను ఇలా రాసుకుంటూ పోతే పెద్ద గ్రంథం తయారవుతుంది. అలాంటి గ్రంథంలో ఒక పేజీలా చేర్చదగ్గ సంఘటన చిత్తూరు జిల్లా తంబళ్ళపల్లెలో జరిగింది. ఒక యువతి ఒక యువకుడిని ప్రేమించింది. ఆ యువకుడు ఆ యువతిని ప్రేమలోకం అంచుల వరకూ తీసుకెళ్ళి అక్కడి నుంచి నెట్టేశాడు. ఆమె అతన్ని పెళ్ళి చేసుకోమని అడిగింది. అతను క్లియర్‌గా నేను చేసుకోను అని చెప్పేశాడు. ఆమె తిరుగుబాటు చేసి అతన్ని పోలీస్ స్టేషన్‌కి ‌ఈడిస్తే కథ మరోలావుండేది. అయితే ఆమె అలా చేయకుండా డైరెక్ట్‌గా పోలీస్ స్టేషన్ దగ్గరకి వెళ్ళింది. ఆ పక్కనే షాపులో ఓ బ్లేడ్ కొనుక్కుంది. పోలీస్ స్టేషన్ ముందు నిల్చుని బ్లేడుతో గొంతు కోసుకుంది. ప్రస్తుతం ప్రాణాపాయ స్థితిలో మదనపల్లె ప్రభుత్వాస్పత్రిలో చికిత్స పొందుతోంది.