చరిత్ర తిరగరాశాం.. కేసీఆర్
Published on: Fri Feb 5, 2016 6:52PM

గ్రేటర్ ఎన్నికల్లో చరిత్ర తిరగరాశాం అని తెలంగాణ ముఖ్యమంత్రి కేసీఆర్ అన్నారు. విలేకరుల సమావేశంలో పాల్గొన్న ఆయన మాట్లాడుతూ అద్భుతమైన విజయాన్ని అందించిన జంటనగరాల ప్రజలకు.. విజయానికి కృషి చేసిన నేతలు, కార్యకర్తలకు ధన్యవాదాలు తెలుపుతున్నానన్నారు. ప్రజలు చాలా పెద్ద బాధ్యతను అప్పగించారు.. ఎంత గొప్ప బాధ్యత అప్పగించారో అంతే గొప్పగా ప్రజలకు సేవ చేసి నిరూపించుకుంటామని తెలిపారు. హైదరాబాద్ లో ఉన్నవారంతా మా బిడ్డలే అని.. ప్రతి ఒక్కరికీ ఉపాధీ, భద్రత కల్పించడం మా బాధ్యత.. అని అన్నారు. ఈ ఏడాది బడ్జెట్ లో హైదరాబాద్ కు లక్షల డబుల్ బెడ్ రూం ఇళ్లు ఇస్తామని హామి ఇచ్చారు.


