గ్రేటర్ ఎన్నికల లెక్కింపు వాయిదా..!
Published on: Thu Feb 4, 2016 8:59AM

గ్రేటర్ ఎన్నికల ఓట్ల లెక్కింపు వాయిదా పడినట్టు తెలుస్తోంది. పాతబస్తీలోని పురానాపూల్ డివిజన్లో రీపోలింగ్ నిర్వహించడం వల్ల ఓట్ల లెక్కింపు రేపు సాయంత్రానికి వాయిదా పడింది. ఎన్నికలు జరిగిన రోజు కాంగ్రెస్ పార్టీ, ఎంఐఎం పార్టీ నేతల మధ్య ఘర్షణ జరిగిన సంగతి తెలిసిందే. ఈనేపథ్యంలో అక్కడ మళ్లీ రీపోలింగ్ నిర్విహించాలని ఈసీ ఆదేశాలు జారీచేసింది. రేపు ఉదయం 7 గంటల నుండి సాయంత్రం 5 గంటల వరకు రీపోలింగ్ నిర్వహించనున్నారు. ఈ సందర్భంగా గ్రేటర్ ఎన్నికల ఓట్ల లెక్కింపు రేపు సాయంత్రం 4 గంటలకు ప్రారంభిస్తామని.. 5 గంటలకల్లా తొలి ఫలితం వస్తుందని ఎన్నికల సంఘం తెలిపింది.


