జీహెచ్ఎంసీ.. ముగిసిన నామినేషన్ల గడువు
Published on: Thu Jan 21, 2016 2:29PM
.jpg)
గ్రేటర్ ఎన్నికల నేపథ్యంలో నామినేషన్ల ఉపసంహరణ గడువు ఈరోజుతో ముగిసింది. దీనిలో భాగంగా ఈరోజు ఉదయం నుండి రాజకీయ పార్టీల్లో టెన్షన్ వాతావరణం నెలకొంది. ఎందుకంటే అన్ని పార్టీల సంగతేమో కాని అధికార పార్టీ టీఆర్ఎస్ కు, కాంగ్రెస్ పార్టీకి రెబల్ అభ్యర్ధుల బెడద ఎక్కువైంది. దీంతో ఉదయం వీరు నామినేషన్లు ఉపసంహరించుకుంటారా లేదా అన్న సందేహం నెలకొంది. అయితే మధ్యాహ్నం రెండు గంటల నుండి 450 నామినేషన్లు ఉపసంహరణ జరిగిందని అధికారులు తెలుపుతున్నారు. ఇదిలా ఉండగా రెబల్స్ ఉపసంహరించుకోకపోయినా నామమాత్రపు పోటీ ఉండేలా చర్యలు తీసుకోవాలని కాంగ్రెస్ భావిస్తుండగా.. టీఆర్ఎస్ మాత్రం బరి నుండి రెబల్స్ తప్పుకుంటారని ధీమా వ్యక్తం చేస్తుంది.


