గీతికా త్యాగి కేసు: డైరెక్టర్కి బెయిల్ మంజూరు
Published on: Tue Jun 24, 2014 7:15PM
వెర్సోవాలో ఆత్మ, వాట్ ద ఫిష్, వన్ బై టు సినిమాల్లో నటించిన బాలీవుడ్ నటి గీతికా త్యాగిపై లైంగిక వేధింపుల కేసులో అరెస్టు అయిన బాలీవుడ్ దర్శకుడు సుభాష్ కపూర్ బెయిలుపై విడుదలయ్యారు. డైరక్టర్ సుభాష్ కపూర్ ఆమధ్య వచ్చిన 'జాలీ ఎల్ఎల్బీ' చిత్రానికి దర్శకుడు. సుభాష్ కపూర్ తన సన్నిహితుడు ధనీష్ రాజాతో కలిసి 2012 మేలో ముంబైలోని గీతికా త్యాగి నివాసానికి వెళ్లి లైంగిక వేధింపులకు పాల్పడినట్టు ఆమె ఏప్రిల్ నెలలో పోలీసులకు ఫిర్యాదు చేసింది. తన గౌరవాన్ని దెబ్బతీసేందుకు సుభాష్ ప్రయత్నించాడంటూ గీతికా త్యాగి తన ఫిర్యాదులో పేర్కొంది. దీంతో సుభాష్ కపూర్ను పోలీసులు సోమవారం అరెస్టు చేసి అంధేరీ కోర్టులో ప్రవేశపెట్టారు. అంధేరీ కోర్టు ఆయనకు బెయిలు మంజూరు చేసింది.
