బాక్సింగ్ చేసిన మంత్రులు గంటా, అయ్యన్న..
Published on: Sat Jan 2, 2016 3:04PM

మంత్రులు అయ్యన్నపాత్రుడు, గంటా శ్రీనివాసరావుల మధ్య ఉన్న విబేధాల గురించి అందరికీ తెలిసిందే. ఉండటానికి ఇద్దరూ ఒకే పార్టీలో ఉన్నా ఒకరు ఈస్ట్ అంటే మరొకరు వెస్ట్ అనే టైపు. విశాఖ రాజకీయాల గురించి తెలిసిన వారికెవరికైనా వీరి మధ్య ఉన్న వైరం గురించి తెలిసే ఉంటది. ఈమధ్య కొణతాల చేరిక విషయంలో కూడా వీరి మధ్య ఉన్న విబేధాలు బయటపడ్డాయి. అలాంటిది వీరిద్దరి మధ్య ఓ ఆసక్తిర సంఘటన చోటు చేసుకుంది. వీరిద్దరూ 'విశాఖ ఉత్సవ్' ఉత్సవాల్లో పాల్గొన్నారు. జనవరి 1 నుంచి 3 వరకు విశాఖలో 'విశాఖ ఉత్సవ్' పేరిట జరిగే ఉత్సవాల్లో వీరిద్దరూ పాల్గొన్న వీరు సరదాగా బాక్సింగ్ చేశారు. చేతికి గ్లౌజులు వేసుకొని ఒకరిపై ఒకరు సరదాగా పంచ్ లు విసురుకున్నారు. . అయ్యన్న బ్లూకలర్,.. గంటా రెడ్ కలర్ గ్లౌజ్ లు ధరించి ఒకరిపై ఒకరు నవ్వులు చిందిస్తూ పంచ్ లు విసురుకోవటం అందరినీ ఆశ్యర్యపరిచింది. దీంతో అక్కడున్న వారంతా మంత్రుల బాక్సింగ్ ఫైట్ను ఆసక్తిగా తిలకించారు.


