గంటా ... తెదేపా వైపే నంట ...

 

 Ganta Srinivasa Rao to Join TDP, Ganta Srinivasa Rao Daughter Marriage, TDP Ganta Srinivasa Rao

 

 

రాష్ట్రమంత్రి గంటా శ్రీనివాసరావు ఇంట్లో పెళ్ళిబాజాలు బాగా మోగుతున్నాయి. ఆయన కుమార్తె పెళ్ళి బుధవారం జరగనుంది కాబట్టి అందులో వింతేమీ లేదు. అయితే ఈ పెళ్ళిబాజాలు సౌండ్ తో పాటు గంటా కాంగ్రెస్ కు జెల్లకొట్టి మరో పార్టీలోకి 'జంప్' కానున్నారనే వార్తలు మరింత మోతెక్కిస్తున్నాయి. బుధవారం జరగనున్న పెళ్ళికి తెలుగుదేశం పార్టీ అధ్యక్షుడు చంద్రబాబు హాజరు అవుతుండడంతో ఈ 'మోత' మరింత పెరిగింది. గంటా-బాబు మధ్య చర్చలు ఇప్పటికే ఫలప్రదమయ్యాయని, ఇక బహిరంగ ప్రకటనే మిగిలిందని అంటున్నారు. గంటా చేరిక పట్ల అయిష్టంగా ఉన్న స్థానిక తె.దే.పా. నేత అయ్యన్నపాత్రుడిని చంద్రబాబు బుజ్జగించారని, ఆయనకు ఎమ్మెల్యే టికెట్ తో పాటు ఆయన కుమారుడికి ఎం.పి. టిక్కెట్ కు సైతం ఓకే చెప్పారు కాబట్టి ... గంటా ఇక తె.దే.పా.లో గణగణమానడం ఖాయమని తె.దే.పా. వర్గాలు ఉత్సాహంగా చెప్తున్నాయి. విశాఖ రాజకీయాలను గత కొద్దికాలంగా శాసిస్తున్న గంటా ... అంత తొందరపడే వ్యక్తి కాదని, అతను తెదేపాతో పాటు మరో పార్టీతోనూ టచ్ లోనే ఉన్నారని మరికొందరు సందేహిస్తున్నారు.