ఆంద్రప్రదేశ్ రాజధాని అమరావతిని తుళ్ళూరులో నిర్మించబోతున్నట్లు రాష్ట్ర ప్రభుత్వం ప్రకటించిన నాటి నుండే అనేక పెద్ద పెద్ద వ్యాపారసంస్థలు, బ్యాంకులు అక్కడ తమ కార్యాలయాలు తెరిచేందుకు సిద్దమయిపోయాయి. ఇప్పుడు అక్కడికి దేశ విదేశాల నుండి నిత్యం అనేకమంది ఏదో ఒకపని మీద వచ్చిపోతూనే ఉన్నారు. అది గమనించిన ఎయిర్ ఇండియా సంస్థ రాజధానికి సమీపంలోనున్న గన్నవరం విమానాశ్రయం నుండి హైదరాబాద్ కి ఏటిఆర్ మోడల్ విమానాన్ని నడపాలని నిశ్చయించుకొంది. ఈ విమానం హైదరాబాద్ లో ఉదయం 6.30 గంటలకి బయల్దేరి 7.30కి గన్నవరం చేరుకొంటుంది. మళ్ళీ అక్కడి నుండి 8గంటలకు బయల్దేరి 9గంటలకి చేరుకొంటుంది.