గౌహతిలో మరో అమ్మాయికి అన్యాయం జరిగిపోయింది. ఓ యువతిపై నలుగురు యువకులు సామూహిక అత్యాచారం చసిన విషయం ఆలస్యంగా వెలుగులోకి వచ్చింది, పబ్ లో నుంచి బయటికొచ్చిన ఓ అమ్మాయిని ఆకతాయిలు అవమానించిన ఘటన మాసిపోకముందే మరో దారుణం జరిగిపోయింది. ఉజాన్ బజార కి చెందిన ఓ అమ్మాయి సాయంత్రంవేళ ట్యూషన్ కి వెళ్తుండగా నలుగురు యువకులు దారికాశారు. బలవంతంగా కారులో ఎత్తుకెళ్ళి నగరశివారులో సామూహిక అత్యాచారం జరిపారు. ఎవరికైనా చెబితే చంపేస్తామని బెదిరించారు. భయపడుతూనే ఆ పిల్ల జరిగిన దారుణాన్ని తలిదండ్రులకు చెప్పడంతో విషయం వెలుగులోకి వచ్చింది. వెంటనే బాధితురాలి తల్లిదండ్రులు పోలీసుకేసు పెట్టారు.