గుంటూరు తెదేపా ఎంపీ గల్లా జయదేవ్ ఆదివారం చిన్న ప్రమాదానికి గురయ్యారు. ఆయన ఒక స్పోర్ట్స్ బైక్ కొనుగోలు చేసే ముందు దానిని టెస్ట్ రైడ్ చేయబోయి దానిపై నుండి జారి క్రింద పడ్డారు. ఆయన వెన్నెముక, కాళ్ళు, చేతులకు గాయాలయ్యాయి. ఆయనని హైదరాబాద్ అపోలో ఆసుపత్రిలో చేర్చి చికిత్స అందిస్తున్నారు. వెన్నెముకకి కొంచెం లోతుగా గాయం అవడంతో దానిని సరి చేయడానికి చిన్న శస్త్ర చికిత్స చేయవలసి వస్తుందని సమాచారం. కానీ కంగారు పడవలసిందేమీ లేదని వైద్యులు స్పష్టం చేసారు. తెదేపా నేత నారా లోకేష్ అపోలో ఆసుపత్రికి వెళ్లి గల్లా జయదేవ్ ని పరామర్శించారు.