హరిరామ జోగయ్యకు గాలి కౌంటర్.. ముందే తెలిస్తే చెప్పొచ్చుగా
Published on: Mon Nov 2, 2015 5:06PM

టీడీపీ నేత గాలి ముద్దు కృష్ణమనాయుడు వైకాపా నేత హరిరామ జోగయ్యపై మండిపడ్డారు. వంగవీటి మోహనరంగ హత్య వెనుక చంద్రబాబు హస్తం ఉందని, చంద్రబాబు ప్రోద్బలంతోనే ఆ దారుణ హత్య జరిగిందని ఆయన "అరవై వసంతాల నా రాజకీయ ప్రస్థానం" అనే పుస్తకంలో సంచలన వ్యాఖ్యలు చేశారు. దీనికి గాలి ముద్దుకృష్ణమనాయుడు స్పందించి.. కేవలం పుస్తకం అమ్ముకునేందుకే హరిరామజోగయ్య అసత్యాలు రాశారని.. తాను రాసుకున్న స్వీయ చరిత్ర పుస్తకానికి ప్రచారం కోసం వివాదాస్పద అంశాలను ఎంచుకున్నారని కౌంటర్ ఇచ్చారు. అంతేకాదు హరిరామ జోగయ్యకు రంగా హత్య అంశం ముందే తెలిస్తే ఎందుకు చెప్పలేదని ప్రశ్నించారు.


