టీడీపీలోకి కాంగ్రెస్ నేత ఎం.మహిధర్ రెడ్డి
Published on: Tue Jan 5, 2016 5:15PM

తెలంగాణలో టీడీపీ లో ఉన్న కొంతమంది నాయకులు అధికారపార్టీ టీఆర్ఎస్ లోకి చేరుతున్నారు. కానీ ఏపీలో పరిస్థితి మాత్రం వేరు. ఇతర పార్టీ నేతలు అధికార పార్టీ అయిన టీడీపీలోకి చేరడానికి సముఖత చూపుతున్నారు. ముఖ్యమంత్రి చంద్రబాబు నాయుడుపై ఉన్న భరోసా రాజకీయ-పరిపాలన అనుభవం నేపథ్యంలో పలువురు నేతలు సైకిల్ ఎక్కేందుకు మొగ్గుచూపుతున్నారు. ఈ నేపథ్యంలో ఇప్పుడు కాంగ్రెస్ నేత మాజీ మంత్రి ఎం.మహిధర్ రెడ్డి టీడీపీలో చేరనున్నారని సమాచారం.మహిధర్ రెడ్డిని టీడీపీలోకి తీసుకురావడానికి మాజీ మంత్రి ఆదాల ప్రభాకర్ రెడ్డి చొరవ తీసుకుంటున్నట్లు తెలిసింది. అయితే మహిదర్ రెడ్డి తమ పార్టీల్లోకి తీసుకురావాలని వైసీపీ.. టీడీపీలు రెండూ ప్రయత్నించగా మహిందర్ రెడ్డి మాత్రం టీడీపీలోకి రావడానికే సముఖత చూపినట్టు తెలుస్తోంది. సంక్రాంతి పండగ తరువాత మహిధర్ టీడీపీలో చేరవచ్చని భావిస్తున్నారు. గతంలో ఎం.మహిధర్ రెడ్డి మాజీ సీఎం నల్లారి కిరణ్ కుమార్ రెడ్డి కేబినెట్ లో పురపాలక శాఖా మంత్రిగా పనిచేశారు.


