పదేళ్ల బుడతడు ఏకంగా ఫేస్ బుక్ నుండి రూ.6.6 లక్షలు బహుమతి అందుకున్నాడు. ఫేస్‌బుక్ సంస్థ బగ్‌ బౌంటీ కార్య‌క్ర‌మాన్ని నిర్వ‌హిస్తోన్న సంగ‌తి తెలిసిందే. ఈ కార్యక్రమంలో ఫేస్ బుక్ లో లోపాలను గుర్తించిన వారికి తగిన బహుమతి అందజేస్తున్నారు. దీనిలో భాగంగానే.. ఫిన్ లాండ్ కు చెందిన జానీ అనే పదేళ్ల బాలుడు ఇన్‌స్టాగ్రామ్‌లో సెక్యూరిటీ లోపాన్ని క‌నుగొన్నాడు. ఇన్‌స్టాగ్రామ్‌లో కంటెంట్‌ను, కామెంట్ల‌ను డిలేట్ చేయ‌డానికి అనువుగా ఉన్న లోపంతో ఉందని.. దానికి పరిష్కారం కూడా కనుగొని ఫేస్ బుక్ కి మెయిల్ చూశాడు. దీంతో ఫేస్ బుక్ జానీకి 10 వేల డాలర్లు అంటే రూ.6.6 లక్షల రూపాయలు బహుమతి ప్రకటించింది.