జగన్.. చంద్రబాబు.. నెక్స్ట్ ఎవరు ?
Published on: Tue Aug 28, 2018 11:10AM

ఏపీ రాజకీయాల్లో ఈమధ్య మాజీ డీజీపీ సాంబశివరావు పేరు బాగా వినిపిస్తోంది.. మొన్నటికి మొన్న సాంబశివరావు వైసీపీ అధినేత జగన్ ని కలిసారు.. ఇంకేముంది మాజీ డీజీపీ వైసీపీలో చేరబోతున్నారంటూ వార్తలు మొదలయ్యాయి.. దానికి తగ్గట్టే వైసీపీ సీనియర్ నేత విజయ సాయి రెడ్డి కూడా సాంబశివరావు వైసీపీలో చేరుతున్నట్టు ప్రకటించారు.. కానీ సాంబశివరావు దీన్ని ఖండిస్తూ అసలు రాజకీయాల్లోకి వచ్చే ఆలోచన లేదన్నారు.. దీంతో ఇక చర్చ ముగిసింది అనుకుంటుండగా.. ఈ రోజు సాంబశివరావు, ఏపీ సీఎం చంద్రబాబుని కలిసారు.. సీఎంను తెదేపాలో చేరిక కోసం కలిశారా.. లేక వ్యక్తిగతంగా కలిశారా? అన్న దానిపై స్పష్టత రావాల్సి ఉంది.. చూద్దాం సాంబశివరావు, చంద్రబాబుతో భేటీ గురించి ఏం స్పష్టత ఇస్తారో.


