ఎఎన్‌ఆర్‌ ఫ్యామిలీలో అందమైన వారసులకు కొదవలేదు. అదే కోవలో ఇప్పుడు ఓ అందగత్తె కూడా సినీపరిశ్రమ వర్గాలను ఆకట్టుకుంటోందట. ముద్దొచ్చే ఆ ముద్దబంతి పేరు ‘సుమంతి’... ఈ పేరు ఎక్కడో విన్నట్టుందే అనుకుంటున్నారా? కరెక్టే. అక్కినేని నటవారసుల్లో ఒకరైన హీరో సుమంత్‌ కాస్తా అందమైన అమ్మాయిగా మారిపోయాడు. కేవలం సినిమా కోసమే సుమా. ఆయన హీరోగా నటించిన గుర్రం ఎగరావచ్చు సినిమా కోసం సుమంత్‌ ఆడవేషంలో కనిపించనున్నారు. చాలా తక్కువ మంది హీరోలకు మాత్రమే నప్పే ఆడవేషం సుమంత్‌కు అద్భుతంగా నప్పిందని, ఈ గెటప్‌ సినిమాలో హైలెట్‌ అవుతుందని సదరు సినిమా యూనిట్‌ సంబరపడుతోంది. ఈ అందమైన అమ్మాయి గెటప్‌లాగే సినిమా రిజల్ట్‌ కూడా అదిరిపోవచ్చు... సుమంత్‌ కెరీర్‌ దూసుకుపోవచ్చు.. ఏమో... గుర్రం ఎగరావచ్చు.