శాసనసభలో తెలంగాణ బిల్లు
Published on: Mon Dec 16, 2013 10:03AM

తీవ్ర ఉత్కంఠ, ఉద్వేగాల నడుమ కొద్ది సేపటి క్రితం మొదలయిన శాసనసభ సమావేశాలలో స్పీకర్ నాదెండ్ల మనోహర్ ఆంధ్రప్రదేశ్ రాష్ట్ర పునర్వ్యవస్థీకరణ బిల్-2013 (తెలంగాణా బిల్లు)ను ప్రవేశపెడుతున్నట్లు ప్రకటించగానే తెలంగాణా ప్రాంత సభ్యులలో ఒక్కసారిగా ఆనందం వెల్లివిరిసింది. స్పీకర్ ప్రకటన చేయగానే ఆంగ్లంలో ఉన్న63 పేజీల బిల్లు కాపీలను సభలో సభ్యులందరికీ పంచిపెట్టారు. ఆ తరువాత సీమాంధ్ర సభ్యుల అందోళనల మధ్య, శాసనసభ ప్రధాన కార్యదర్శి సదాచారి రాష్ట్రపతి శాసనసభ సభ్యులకు వ్రాసిన లేఖను చదివి వినిపించారు. సీమాంధ్ర సభ్యుల ఆందోళన తీవ్రం అవడంతో సభను అరగంట సేపు వాయిదా వేసారు. మళ్ళీ సభ సమావేశమవగానే మంత్రి శ్రీధర్ బాబు కాంగ్రెస్ తరపున బిల్లుపై చర్చ మొదలుపెట్టే అవకాశం ఉంది.


