విద్యార్థుల భవిష్యత్తును దృష్టిలో వుంచుకుని ఎంసెట్ కౌన్సిలింగ్‌ను యథాతథంగా నిర్వహించాలని ఉన్నత విద్యామండలి నిర్ణయించినట్టు తెలుస్తోంది. ఎంసెట్ కౌన్సిలింగ్‌ను ఆలస్యం చేసినట్టయితే విద్యార్థుల భవిష్యత్తు పాడువుతుందని, విద్యా సంవత్సరం ఆలస్యమైతే విద్యార్థుల పీజీ కోర్సుల నుంచి ఉద్యోగాల వరకు ప్రతి విషయంలోనూ నష్టం జరుగుతుందని ఉన్నత విద్యామండలి భావిస్తోంది. అందువల్ల ఎంసెట్ కోచింగ్ యథాతథంగా నిర్వహించాలని నిర్ణయించినట్టు సమాచారం. ఎంసెట్ కౌన్సిలింగ్‌ను నిర్వహించాలని తాము తీసుకున్న నిర్ణయాన్ని తెలంగాణ ప్రభుత్వం వ్యతిరేకించినప్పటికీ కౌన్సిలింగ్ ఆపకూడదని ఉన్నత విద్యామండలి భావిస్తున్నట్టు తెలుస్తోంది. ఎంసెట్ కౌన్సిలింగ్ విషయంలో తెలంగాణ ప్రభుత్వాన్ని ఒప్పించడానికి ఉన్నత విద్యామండలి ప్రయత్నాలు చేస్తుంది. ఒకవేళ తెలంగాణ ప్రభుత్వం ఒప్పుకోకపోయినప్పటికీ కౌన్సిలింగ్ యథాతథంగా జరుగుతుంది.