అప్పుడే ట్రంప్ ఎఫెక్ట్.. విదేశీ ఉద్యోగుల ఆందోళన.. వెబ్ సైట్ క్రాష్

అమెరికా అధ్యక్ష బరిలో ఉన్న డొనాల్డ్ ట్రంప్ గతంలో విదేశీ ఉద్యోగులపై సంచలన వ్యాఖ్యలు చేసిన సంగతి తెలిసిందే. తాను కనుక ఎన్నికల్లో గెలిస్తే పొరుగు దేశం ఉద్యోగులను రానివ్వనని.. అంతేకాదు పొరుగు దేశం వారు మా ఉద్యోగాలు లాగేసుకుంటున్నారు.. దానిపై చర్యలు తీసుకుంటామని చాలాసార్లు తన ప్రసంగంలో వ్యాఖ్యానించారు. అయితే ఇప్పుడు ఆ ప్రభావం బాగానే కనిపిస్తోంది. ఇప్పటికే ట్రంప్ ఆధిక్యంలో ఉండగా.. గెలుపు ట్రంప్ దే అని తెలుస్తోంది. దీంతో పలువురు విదేశీ ఉద్యోగులు అప్పుడే ఆందోళనలు గురవుతున్నారు. అంతేకాదు కెనడాకు వెళ్లాలన్న ఆలోచనతో ఇమిగ్రేషన్ కోసం పెద్దఎత్తున ప్రయత్నిస్తున్నారు. ఈ కారణంగా ఇమిగ్రేషన్ వెబ్ సైట్ కూడా క్రాష్ అయినట్టు తెలుస్తోంది. అమెరికా, ఆసియాలతో పాటు కెనడా యూజర్లకూ 'ఇంటర్నల్ సర్వీస్ ఎర్రర్' అన్న మెసేజ్ కనిపిస్తోందని ప్రముఖ వార్తా సంస్థ రాయిటర్స్  పేర్కొంది. మొత్తానికి ఇప్పుడే ఇలా ఉంటా.. ట్రంప్ నిజంగా అధ్యక్ష పదవిని చేపడితే ఇంకా ఎన్ని ఘోరాలు జరుగుతాయో చూడాలి.