మరింత డబ్బును ఖర్చు పెట్టడానికి సిద్ధం..

అమెరికా అధ్యక్ష బరిలో ఉన్న డొనాల్డ్ ట్రంప్ మరోసారి తనదైన శైలిలో హిల్లరీ క్లింటన్ పై విమర్సలు చేశారు.  ప్రైమరీ ఎన్నికల సమయంలో తాను ఎలాంటి విరాళాలు తీసుకోలేదని, తన సొంత డబ్బునే ఖర్చు పెట్టానని.. తన ప్రత్యర్థి హిల్లరీ క్లింటన్ మాత్రం సొంతంగా ఒక్క డాలర్ కూడా ఖర్చు చేయలేదని విమర్శించారు. ప్రైమరీ ఎన్నికల నాటి నుంచి కూడా ఆమె పూర్తిగా డొనేషన్లపైనే ఆధారపడ్డారని విమర్శించారు. అంతేకాదు ఇప్పటి దాకా సొంతంగా 100 బిలియన్ డాలర్లను ప్రచారం కోసం వినియోగించానని, అవసరమైతే మరింత డబ్బును ఖర్చు పెట్టడానికి సిద్ధంగా ఉన్నానని చెప్పారు. అదే విధంగా ఈ ఎన్నికల్లో గెలుపు కూడా తనదే అనే విషయం తనకు తెలుసని అన్నారు. హిల్లరీ అధికారంలోకి వస్తే అవినీతి పెరుగుతుందని... అది అమెరికన్లకు ఇష్టం లేదని చెప్పారు. ఒబామా తరహా పాలనను మరో నాలుగేళ్ల పాటు అనుభవించే ఓపిక అమెరికన్లకు లేదని తెలిపారు. కాగా నవంబర్ లో అమెరికా అధ్యక్ష ఎన్నికలు జరగనున్న సంగతి తెలిసిందే.