TeluguOne Health
● # Tweets

Download the TeluguOne App

Choose your platform to continue

సర్కారు దవాఖానలో కలెక్టర్‌ భార్య ప్రసవం.. హరీష్ రావు ప్రశంసలు

Published on: Wed Nov 10, 2021 1:45PM

వైద్యశాఖ మంత్రిగా హరీష్ రావుకు తొలి రోజే మంచి కబురు అందింది. జిల్లా కలెక్టర్ భార్య సర్కార్ దవాఖానాలో ప్రసవించింది. భద్రాచలం కొత్తగూడెం జిల్లాలోని భద్రాచలం ఏరియా ప్రభుత్వ దవాఖానలో జిల్లా కలెక్టర్‌ అనుదీప్‌ భార్య మాధవి పండంటి మగ శిశువుకు జన్మనిచ్చింది. 

ఈ మేరకు వైద్య ఆరోగ్య శాఖ మంత్రి హరీశ్‌రావు ట్విట్టర్‌ వేదికగా కలెక్టర్‌ దంపతులకు శుభాకాంక్షలు తెలిపారు.సీఎం కేసీఆర్‌ నాయకత్వంలో ప్రభుత్వ దవాఖానలు అధునాతన సౌకర్యాలతో మెరుగైన సేవలు అందిస్తున్నాయని మంత్రి తెలిపారు. దీంతో రాష్ట్రంలోని ప్రజలు గవర్నమెంట్‌ హాస్పిటల్స్‌లోనే వైద్యం చేయించుకునేందుకు ఉత్సాంగా ముందుకొస్తున్నారని మంత్రి పేర్కొన్నారు. అందుకు నిదర్శనం కలెక్టర్‌ దంపతులేనని మంత్రి ప్రశంసించారు. అలాగే మంత్రి పువ్వాడ అజయ్‌ కుమార్‌ కూడా కలెక్టర్‌ దంపతులకు గ్రీటింగ్స్‌ తెలిపారు.