గుండె పోటుతో మరణించిన దర్శకురాలు బి.జయ
Published on: Fri Aug 31, 2018 10:57AM

తెలుగు ఇండస్ట్రీలో లీడింగ్ పిఆర్ఓగా ఉన్న బిఎ రాజు భార్య మరియు "చంటిగాడు".. "గుండమ్మగారి మనవడు".. "ప్రేమికులు".. "లవ్లీ" లాంటి సినిమాలకు దర్శకత్వం వహించిన బి జయ.కన్నుమూశారు. గురువారం రాత్రి 9 గంటల సమయంలో గుండెపోటుతో ఆమె కేర్ ఆసుపత్రిలో తుదిశ్వాస విడిచారు. ఆమె వయసు 54 సంవత్సరాలు. ప్రస్తుత తరం మహిళా దర్శకుల్లో అత్యుత్తమ ప్రతిభావంతురాలిగా గొప్ప పేరును సంపాదించుకొన్నారు. పలు చిత్రాలకు ఉత్తమ దర్శకురాలిగా అవార్డులు, రివార్డులు అందుకొన్నారు. 2003లో చంటిగాడు చిత్రంతో దర్శకురాలిగా మారారు. ఆ తర్వాత 2005లో ప్రేమికులు, 2007లో గుండమ్మ గారి మనవడు, 2008లో సవాల్, 2012లో లవ్లీ, 2017లో వైశాఖం చిత్రానికి దర్శకత్వం వహించారు.తెలుగు ఇండస్ట్రీలో ఉన్న అతికొద్ది మంది లేడీ డైరెక్టర్స్ లో జయ కూడా ఒకరు. అంతేకాదు.. తెలుగు ఇండస్ట్రీకి "ప్రేమికులు" సినిమాతో కామ్నా జఠ్మిలానీ.. "చంటిగాడు"తో సుహాసిని.. "లవ్లీ" సినిమాతో శాన్విని హీరోయిన్గా పరిచయం చేసింది జయే.ఆమె మరణంతో తెలుగు సినీ పరిశ్రమలో విషాదం నెలకొంది.


