ఐపీఎల్‌లో దినేశ్ కార్తీక్ కొత్త రికార్డు సృష్టించాడు. వికెట్ కీపర్‌గా 100 క్యాచ్‌లు పట్టి బ్యాట్స్‌మెన్లను పెవిలియన్‌కి పంపిన తొలి ఆటగాడిగా దినేశ్ కార్తీక్ ఐపీఎల్‌లో రికార్డు నెలకొల్పాడు. ఐపీఎల్‌-10లో గుజరాత్ లయన్స్ తరపున దినేశ్ కార్తీక్ ఆడుతున్నాడు. ఇవాళ కింగ్స్  ఎలెవన్ పంజాబ్-గుజరాత్ లయన్స్ మధ్య జరుగుతున్న మ్యాచ్‌లో 1.2వ ఓవర్‌లో నాథూ సింగ్ వేసిన బంతిని ఎదుర్కొన్న ఓపెనర్ ఓహ్రా వికెట్ కీపర్‌ దినేశ్ కార్తీక్‌కి క్యాచ్ ఇచ్చాడు. దానిని అందుకున్న కార్తీక్ ఈ ఘనత సాధించాడు. ఈ సందర్భంగా కొందరు ఆటగాళ్లు దినేశ్‌ని అభినందించారు.