ధోనీ.. పని చూసుకోమ్మా...

Publish Date:Aug 26, 2014

 

భారత క్రికెట్ జట్టు కెప్టన్ మహేంద్ర సింగ్ ధోనీ తన ఆటేదో తాను ఆదుకోకుండా క్రికెట్ రాజకీయాల్లో కూడా వేలుపెడుతున్నాడు. బీసీసీఐ వ్యతిరేకిస్తున్న కోచ్ డంకన్ ఫ్లెచర్‌కి మద్దతుగా మాట్లాడుతున్నాడు. దాంతో బీసీసీఐకి ఆగ్రహం వచ్చింది. డంకన్ ఫ్లెచర్ మంచి కోచ్ అంటూ ధోనీ చేసిన వ్యాఖ్యలను బీసీసీఐ కొట్టిపారేసింది. అది ధోనీ వ్యక్తిగత అభిప్రాయమంటూ తీసిపారేసింది. ధోనీ ఇలాంటి విషయాల్లో జోక్యం చేసుకోకుండా తన ఆట తీరును మెరుగుపరచుకునే విషయం మీద దృష్టిపెడితే మంచిదని సూచించింది. విదేశాల్లో భారత జట్టు వైఫల్యాలకు ధోనీ బాధ్యత వహించాలని ఎంతోమంది మాజీ క్రికెటర్లు డిమాండ్ చేసినా బోర్డు నోరు మెదపలేదు. కానీ, డంక్ ఫ్లెచర్‌కు మద్దతుగా ధోనీ ఒక్క వ్యాఖ్య చేయడంతో బీసీసీఐ పెద్దలు తీవ్ర ఆగ్రహం వ్యక్తం చేస్తూ ధోనీని మందలించడం గమనార్హం.

By
en-us Political News