ఢిల్లీ కోర్టులో దుండగులు కాల్పులు జరిపి కలకలం సృష్టించారు.  న్యూఢిల్లీలోని కర్కర్డూమా కోర్టులో రూమ్ నెం. 73లోకి ఐదుగురు దుండగలు ప్రవేశించి జడ్జి ఎదుటే 10 రౌండ్ల కాల్పులు జరిపారు. ఈ కాల్పుల్లో ముగ్గురు పోలీసులు, కోర్టు క్లర్క్ కు గాయాలు అవ్వగా ఒకరి పరిస్థితి విషమంగా ఉంది. అయితే ఈ కాల్పులతో అప్రమత్తమైన సిబ్బంది ఇద్దరు నిందితులను అదుపులోకి తీసుకోగా.. మిగిలిన ముగ్గురు ఆగంతకులు పరారయ్యారు. కాగా గాయపడిన పోలీస్ కానిస్టేబుల్ను సమీపంలోని ఆసుపత్రికి తరలించి... చికిత్స అందిస్తున్నారు. ఈ ఘటనపై పోలీసులు కేసు నమోదు చేసి... పట్టుబడిన ఇద్దరు నిందితులను విచారిస్తున్నారు. పరారైన ముగ్గురి కోసం పోలీసులు గాలింపు చర్యలు చేపట్టారు.