ఈ మధ్య బాలీవుడ్ లో అందాల భామ దీపికా పదుకునేపై పలు కథనాలు వస్తున్నాయి. బాయ్ ఫ్రెండ్స్ తో చాలా ఎంజాయ్ చేస్తుందని, చాలా మంది బాయ్ ఫ్రెండ్స్ ని మారుస్తూ తెగ ఎంజాయ్ చేస్తుందని సదరు ఓ హిందీ ఛానెల్ ఓ కథనాన్ని ప్రసారం చేసింది. ఇది ప్రస్తుతం బాలీవుడ్ లో హాట్ టాపిక్ గా మారిపోయింది. ఈ వార్త చివరికి దీపికా చెవిలో పడటంతో.. దీపికా ఆ ఛానెల్ పై మండిపడింది. ఇదే విషయంపై దీపికా స్పందిస్తూ... "బాయ్‌ఫ్రెండ్ అనే పదానికి ముందు అర్థం ఏంటో ఆ ఛానెల్ వాళ్లు తెలుసుకుంటే మంచిది. ఫ్రెండ్స్ తో కలిసి తిరిగినంత మాత్రాన శారీరక సంబంధం పెట్టుకున్నట్లేనా? వృత్తిని, జీవితాన్ని నేను ఒకేలా చూడను. నా కుటుంబం గురించి మాట్లాడే అర్హత ఎవరికీ లేదు. నేను గ్లామర్ ఇండస్ట్రీలో ఉన్నాను కాబట్టి అందుకు తగ్గట్లే నడుచుకుంటాను. అది కేవలం నా వృత్తికి సంబంధించిన విషయం. ఇక నా ఇంటి విషయానికొస్తే... నా లైఫ్ స్టైలే వేరు. సంప్రదాయ కుటుంబంలో పుట్టి పెరిగిన అమ్మాయిని నేను. అనుబంధాలు, ఆప్యాయతలతో ఎప్పుడూ సందడిగా ఉండే ఇల్లు మాది. దేశం గర్వించదగ్గ గొప్ప బ్యాట్మింటన్ ప్లేయర్ ప్రకాష్ పదుకొనేకి పుట్టిన అమ్మాయిని. కాబట్టి నా గురించి రాసేటప్పుడు కాస్త జాగ్రత్తగా రాయండి" అంటూ మండిపడింది.