సెల్ఫీ.. ప్రస్తుతం చాలా మందికి ఈ సెల్ఫీ పిచ్చి బాగానే పట్టింది. తింటున్నా.. కూర్చున్నా.. టక్కున సెల్ఫీ తీసుకోవడం అప్ డేట్ చేయడం. ఎంత వెరైటీగా సెల్ఫీ పెడితే అంత గొప్ప అన్నట్టు ఉంది చూస్తే. దానికోసం సాహసాలు కూడా చేస్తూ రకరకాలుగా ఫోటోలు తీసుకుంటున్నారు. దీని వల్ల ప్రాణాలు పోయిన వారు కూడా చాలా మంది ఉన్నారు. ఈ పిచ్చి ఎంతలా అంటే కనీసం ఏ పరిస్థితిలో ఉన్న సందర్భం ఏంటీ అని కూడా చూసుకునే స్థితిలో కూడా లేకుండా పోతున్నారు కొందరు. అయితే ఇప్పుడు రష్యావాళ్లు ఒక మెట్టు ఎక్కి ‘సెల్ఫీస్ విత్ డెడ్' పేరుతో సోషల్ మీడియా ఓ కాంపిటీషన్ కు తెర లేపారు. దీనిలో పాల్గొన్నవారు చనిపోయిన వారితో సెల్ఫీ తీసుకుంటే వాటిలో బెస్ట్ సెల్పీలను ఎంపిక చేసి వాటికి బెస్ట్ క్యాష్ ప్రైజులను బహుకరిస్తారట. అయితే ఈ కాంపిటీషన్ సంగతేమో కాని సర్వత్రా విమర్శలు వెల్లువెత్తుతున్నాయి. కాని ఈ కాంపిటీషన్ ను నిర్వహించిన వారు మాత్రం చనిపోయిన వ్యక్తితో సెల్ఫీలు దిగటమనేది ‘ఒక రకమైన కళ' అంటూ సమర్థించుకుంటున్నాయి. ఈ ఒక్కటి చాలు మానవీయ విలువలు రోజురోజుకు ఎంత దిగజారుతున్నాయో చెప్పడానికి.