అండర్ వరల్డ్ డాన్ దావూద్ ఇబ్రహీంకు సంబంధించిన కారు.. హోటల్ ను వేలం వేసిన సంగతి తెలిసిందే. ఈ వేలం పాటలో దావూద్ కారును హిందూ మహాసభ జాతీయ అధ్యక్షుడు స్వామి చక్రపాణి సొంతం చేసుకున్న సంగతి కూడా విదితమే. అయితే ఇప్పుడు ఆయన దావూద్ కారును అందరూ చూస్తుండగానే దహనం చేస్తామని..ఈరోజు మద్యాహ్నం 1 నుంచి 2 గంటల సమయంలో దావూద్ కారును దహనం చేస్తున్నానని తెలిపారు. కిరాతకుడు దావూద్ ఇబ్రహీం, అతని ముఠా పాల్పడిన తీవ్రవాద కార్యకలాపాలకు అంత్యక్రియలు నిర్వహించాలనే ఉద్దేశంతోనే తాము ఈ కారును వేలంలో కొనుగోలుచేశామని, అందుకే దహనం చేస్తున్నామని ఆయన చెప్పారు. అయితే మొదట ఈ కారును అంబులెన్స్ లా ఉపయోగించాలని నిర్ణయించుకున్నాం కానీ.. తమకు దావూద్ అనుచరుల నుండి బెదిరింపు కాల్స్ వచ్చిన నేపథ్యంలో వారికి తగిన బుద్ది చెప్పడానికే ఈ నిర్ణయం తీసుకున్నామని.. వారి బెదిరింపులకు భయపడేది లేదని తెలిపారు. మరోవైపు ఈరోజు కారును దహనం చేస్తున్న నేపథ్యంలో పోలీసులు భారీ బందోబస్తు ఏర్పాటు చేశారు.