ఆంధ్రప్రదేశ్ ప్రభుత్వం  గురువారం (అక్టోబర్ 3) నుంచి దసరా సెలవులు ప్రకటించింది.  గురువారం (అక్టోబర్ 3) నుంచి అక్టోబర్ 14వ తేదీ వరకు.. ఏపీలోని విద్యాసంస్థలకు సెలవలు ప్రకటిస్తూ ఉత్తర్వులు జారీ చేసింది.  ముందుగా అక్టోబర్ 4 నుంచి దసరా సెలవులు ప్రకటించాలని ప్రభుత్వం భావించినప్పటికీ పొరుగురాష్ట్రమైన తెలంగాణలో 3వ తేదీనుంచే దసరా సెలవలు ఇవ్వడంతో  విద్యార్థుల తల్లిదండ్రుల వినతికి సానుకూలంగా స్పందించిన మంత్రి లోకేష్ గురువారం నుంచే సెలవులు ప్రకటించారు.