దామోదర డిల్లీ పయనం దేనికో
Published on: Tue Jan 14, 2014 12:18PM
.jpg)
వచ్చేఎన్నికలలోగా తెలంగాణా రాష్ట్ర ఏర్పాటు చేయడం తధ్యమని దిగ్విజయ్ సింగ్ ప్రకటించిన మరునాడే, ముఖ్యమంత్రి రేసులో ఉన్నఉపముఖ్యమంత్రి దామోదర రాజనరసింహకు డిల్లీకి రమ్మని ఆహ్వానం అందడంతో, మళ్ళీ ఊహాగానాలు మొదలయ్యాయి. సోమవారం రాత్రి హుటాహుటిన ఢిల్లీకి బయలుదేరిన దామోదర, ఈరోజు సోనియాగాంధీతో సమావేశం కానున్నారు. తెలంగాణా ఏర్పాటుకి ఇంకా చాలా సమయం ఉంది గనుక, ఇప్పుడు ముఖ్యమంత్రి పదవి గురించి చర్చ ఉండకపోవచ్చును. శాసనసభ మళ్ళీ17న సమావేశమయినప్పుడు టీ-బిల్లుపై ఇరు ప్రాంతాల శాసనసభ్యుల వ్యూహ ప్రతివ్యూహాల ఏవిధంగా ఉండబోతున్నాయనే విషయంపై చర్చించేందుకు లేదా తెరాసను కాంగ్రెస్ లో విలీనంపై ఆయన అభిప్రాయం తెలుసుకొనేందుకు పిలిపించి ఉండవచ్చును.


