పెట్రోకొక్ ఉదాతంపై మండిపడిన శాసనమండలి సభ్యుడు దాడి వీరభద్రరావు అధికారులపై నోరుపారేసుకున్నారు. ఆగ్రహంలో అధికారులు గోతికాడ కుక్కలు లాంటివారని ఆయన వ్యాఖ్యానించారు. పారిశ్రామికవేత్తల దగ్గర డబ్బులు తీసుకుని వారి అడుగులకు మడుగులొత్తుతున్నారని ఆయన ధ్వజమెత్తారు. అసలు అమెరికాలో నిషేధించిన పరిశ్రమను విశాఖ జిల్లా రాంబిల్లిలొ ఎవరు ఏర్పాటు చేయమన్నారని ఆయన చిందులు తొక్కారు. తాను ఎన్నికల్లో పోటీ చేసేటప్పుడు దాడి అధికారులతో సౌమ్యంగా ప్రవర్తిస్తారని, ఏదైనా ఘటన జరిగినప్పుడు దాడి అధికారుల మీదే దాడి చేస్తారని ఆయన సన్నిహితుల విమర్శలకు పై వ్యాఖ్యానాలు అద్దం పడుతున్నాయి. రాంబిల్లిలొ ఘర్షణపూరిత వాతావరణం నెలకొనటానికి రైతులూ, అధికారులూ ఆవేశపడటమే కారణమని తేలుతోంది. ఈ నేపథ్యంలో మొత్తం ఘటనకు అధికారులనే బాధ్యులు చేస్తూ దాడి ధ్వజమెత్టటం అన్యాయమని ఆయన ప్రత్యర్థులు అంటున్నారు. ఎన్నికలప్పుడే కాదు మిగతా సమయంలోనూ అధికారులతో మంచిగా ఉండొచ్చని దాడికి హితువు చెబుతున్నారు.