టాటా ఛైర్మన్ లిస్ట్ లో పలువురు ప్రముఖులు..
posted on Oct 28, 2016 4:42PM
టాటా గ్రూపుల ఛైర్మన్ పదవి నుండి సైరస్ మిస్త్రీని తొలగించిన సంగతి తెలిసిందే. ఆ స్థానంలో ప్రస్తుతం రతన్ టాటా తాత్కాలిక బాధ్యతలు చేపట్టారు. వచ్చే నాలుగు నెలల్లో ఛైర్మన్ ను నియమిస్తామని చెప్పిన నేపథ్యంలో ఇప్పటి నుండి నూతన ఛైర్మన్ ఎంపికకు కసరత్తు మొదలైనట్టు తెలుస్తోంది. అంతేకాదు అప్పుడే ఈ ఛైర్మన్ పదవికి కొంతమంది పేర్లు కూడా వినిపిస్తున్నాయి. అందులో టీసీఎస్ సీఈవో ఎన్.చంద్రశేఖరన్, జాగ్వార్ లాండ్రోవర్ అధినేత రాల్ఫ్స్పెత్ల పేర్లు ఉన్నట్లు సమాచారం. అంతేకాదు వారితో పాటు ఛైర్మన్ పదవికి మిస్త్రీ బావ, ట్రెంట్ లిమిటెడ్ ఛైర్మన్ నోయెల్ టాటా పేరు కూడా పరిశీలనలో ఉన్నట్లు తెలుస్తోంది. దీనిపై టాటా కమిటీ చర్చలు జరిపి ఫిబ్రవరి నెలాఖరులోగా కొత్త ఛైర్మన్ను ఎంపిక చేయనున్నారు. కాగా ఈ విషయమై చంద్రశేఖరన్, రాల్ఫ్ స్పెత్, టాటా అండ్ సన్స్ సంస్థ కానీ ఎలాంటి అధికారిక వివరణ ఇవ్వలేదు.